Publications PNR du CRASC

Centre de Recherche en Anthropologie Sociale et Culturelle

Publications PNR

البرنامج الوطني للبحث، كراسك، 2005، ص. 75-83 | النص الكامل


 

 

بلقاسم بومديني

 

 

 

1- حكاية شعبية :

هنيدة وباها   

وحد النهار كان وحد الراجل مريح فوق صفاح(حجر) في الغابة جاوه جماعة من الناس وسقساوه ايلا كان هو خون الدراهم نتاعهم. رد عليهم بلي ماشاف والو. لما بغا ينوض لصق في الصفاح(حجرة). كي تفرقوا بقا وحده وغربت الحالة عليه.جات بنته هنيدة تدور عليه سولت وحد الرجال قالولها بلي راه فوق صفاح لاسق في الغابة مشات البنت تدور عليه حتى وصلت قدام البلاصة اللي فيها اباها و طلعت فوق صفصافة باش ما ياكلوهاش الهوايش وبقات كل ما تشوف وحش جاي تسول اباها "واش ذيك الحية الي جايا ملهيه يا بويا حنيني" يردعليها اباها  "هذاك عمك الذيب يا هنيدا بنيتي".

تعاود تشوف وحش وحداخر جاي تسقسي اباها "واش ذيك الحية الي جايا ملهيه يا بويا حنيني"يرد عليها اباها "هذاك عمك السبع يا هنيدا بنيتي". كي بقاوا الوحوش يا كلوا في الراجل بدات بنته تسقسيه "منين بداك... منين بداك يا بويا حنين " يرد عليها اباها "بداني من الكراع يا هنيدا بنيتي".

 

تعاود تسقسيه بنته "منين بداك... منين بداك يا بويا حنيني" ويرد عليها اباها "بداني من الكرش يا هنيدة بنيتي" وبقات البنت تسقسي في اباها وهو يرد عليها "من اليدين. من الراس..." طلعت البنت فوق الصفصافة باش تشوف اباها طاحت وماتت حداه.

هما مشاو حريق حريق                        وحنا مشينا طريق طريق

2- أمثال شعبية

1- والله وما تقفله لا فورته.

2- يا سحاق احمد ربي خير ما تولي مسلم.

3-اللي تعطيه القرد(الحجرة) ما يقايس.

4- اللي يكبرما يضرب.

5- اللي حج حج واللي عوق عوق.

6- الطعام بلا ما من قلت الفهامة.

7- عنده غلب البقرة وتسلاف موكة.

8- الهدرة عليا والمعنة على جارتي.

9- الحلف يعطل الشمايت.

10- احييني اليوم وكتلني غدوة.

11- اعطيني عبستك ماراني في قرصتك.

12- في عشنا وينشنا.

13- خوي نتاع الدنيا اما الآخرة كلها وقبره.

14- البقرة ضربت والبغل عباه مولاه.

15- القاوري يكسب والعربي يحسب.

16- اشري الجار قبل الدار.

17- البعرة تتودر ميات عام فالبحر وتتلاقا ختها.

18- دير الخير ونساه وديرالشر وعقل عليه.

19- ما تلاقاو حتى تشابهوا.

20- ما يرقد غير غاني ولا هاني.

21- ايلا شفت الطويل هارب اعرف القصير راه موراه.

22- فاين ما ضربت لقرع يسيل دمه.

23- نهيتها على السوق بكرت.

24- تبدال السروج راحة.

25- ياكل في الغلة ويسب في الملة.

26- اللي عقب يتعرقب.

27- المال عدو مولاه.

28- تمشى بالنعالة حتى تصيب الصباط.

29- ايلا غاب الكبير غاب التدبير.

30- أقطع الواد الدهدار ولا تقطعش الواد الساكت.

31- النار تحت التبن.

32- وجه الخروف معروف.

33- تعشى وتمشى تغدى و تمدى.

34-- فان يكون دمك يكون سمك .

35- الغايب على قدرة الله.

36- حسبتك كرموسة و فيك الكرموس الساعة نتا دكارة وفيك الناموس.

37- تمشي غير في ما مشاك الله.

38- الخال مخطاف.

39- الفم المبلع ما يدخله ذبان.

40- المندبة كبيرة والميت فار.

41- المكسي بقش الناس عريان.

42- جا يسعا ودر تسعة.

43- جا يطبه(يداويه) عماه.

44- العام يبان على خريفه.

45- خروف الدينار من الرقب يبان.

46- الكبير في البصل ينغز.

47- الجمل ما يشوف لحدبته.

48- ايلا عواج الخط من الفرد الكبير.

49- اللي قرصاته اللفعة يخاف من الحبل.

50- حرك السطلة يبان العطشان.

51- اللي خرد من كاره قل مقداره.

52- السلامة في الراس (أو في الطلاعة).

54- يطلب السلة بلا عنب.

55- الحيط بوذنيه.

56- الضيق في القلوب.

57- الصامط غلب القبيح.

58- خوذ الراي اللي يبكيك وما تاخذش الراي اللي يضحكك.

59- شوف شحال جابوا ماشي شحال غابوا.

60- ما تحسب عجولك حتى يفوت الطكوك.

61- الخير مرا والشر مرا.

62- أنا نحظي فيها من الحواشي وهي من الوسط راشي.

63- مول العلاوي(رقصة)ايلا يطول يمساس.

64- الطمع يخسر الطبع.

65- اللي مات من الشياطين خف على الملايكة.

66- القدوم صابت يدها.

67- كثير الصحاب يبقا بلا بيهم.

68- اللي يحسب يشيطله.

69- النار تجيب الرماد.

70- بوس الكلب من فمو و قضي حاجتك منو.

71- ايلا ضربك القايد لمن تشتكي.

72- بالرزانة تتباع الصوف.

73- القط يعلم اباه النط.

74- الفلوس يعلم اباه النقب.

75- ارواحلي يا بلى ولى نجيك.

76- ارواحي يا اما نوريلك دار خوالي.

77- كي تطلقها ما توريلها باب الدار.

78- الخدمة مع النصارة ولا القعاد خسارة.

79- اللي ما عنده هم تولدهله حمارته.

80- قلة الشي ترشي وتنوض من الجماعة (من اقوال عبد الرحمن المجدوب)

81- اضرب الكلب وشوف لوجه مولاه.

82- مول العقل في راحة.

83- اللي بنته في الجماعة ما يهدرش.

85- وصل الكذاب لباب الدار.

86- ايلا كان المتحدث جاهل المتصنت يكون عاقل.

87- الرجال بالرجال والرجال بالله.

88- احصد على حساب الكف.

89- اللي ما قعده قبره يمتد فوقه.

90- أنتا تمتم وأنا نفهم.

91- اقلب القدرة على فمها تطلع البنت لمها.

92- اللي بدلك بالفول بدله بقشوره.

93- ايذا خناز اللحم ما ليه غير اماليه.

94- خوك خوك لا يغرك صاحبك.

95- الطير الحر يشكر مباته.

91- الرقبة يموت ذليل.

92- ادعي بالقوة يسلكها ربي.

93- الله ينعل قاطع الطريق ولو كان بالطعام.

94- جا يعاونه في قبر اباه هربله بالفاس.

95-اهرب من الحبس جا في بابه.

96- اللي عشاه قلية يبداه بالغز.

97- اللي حرثه البغل دكه الجمل.

98- اللي قاريه الذيب حافضه السلوقي.

99- دلاه بالحبل وطلعه بالعقاد.

100- ولدها في شاميتها وهي تحوس عليه.

101- وري حنة يديك.

102- شوية لربي وشوية لقلبي.

103- شوية من الحنة و شوية من رطوبة اليدين.

104- منين يغيب الطالب وما تديري يا المحضرة.

105- اللي ما يكتل يسمن.

106- اللي ينسف على اللبى(فاللبن) يشتاقه.

107- دعوة بلا ذنوب في راس مولاها تذوب.

108- دعوة الام كي اللفعة في الكم.

109- ايلا حلف فيك راجل بات راقد ويلا حلفت فيك مرا بات قاعد.

110- الفيش وقلة العيش.

111- بعد تجيب الحطب.

112- اللي ليك يمضغك و ما يسوطكش.

113- غير اللي فيك يكفيك.

114- اللي غواه رخسه خلى نصه.

115- زواج ليلة تدبيره عام.

116- اللي قال الزواج ساهل يوجدله المال والحطب.

117- الرقبة للغزال والغلض للحلوف.

118- على كرشو يخلي عرشو.

119- داري ساترا عاري.

120- الزرب يحد العاقل.

121- العاقل تكفيه ليشارة.

122-.- مشات براسها ولات بناسها.

123- مول الفول يقول لبدا طياب.

124- الخيمة بوتادها والمرا بولادها.

125- خيمة عشرة طايحة وخيمة وحدة مايحة.

126- المسلوخ يتعجب فالمذبوح.

127- الخال مخطاف ايلا ما جرح يعدم.

128- العمومية بين العمومية واش دخلك يا الزلمومية.

129- ايلا نضاميت وعد عمامك ويلا جعت اوعد خوالك.

130- سبق الحطب قبل ما يخطب.

131- جوعي في كرشي وعنايتي في راسي.

132- أنا جاي من سبدو و هو رادني لسبدو.

133- ما يتكلم فاللوز غي الخاوي(لما تهرسه).

134- العود اللي تحقره يعميك.

135- اللي فاتك بليلة فاتك بحيلة.

136- املاله فمه ينسى امه.

137- ما تشرب حتى تقرب وما تصحب حتى تجرب.

138- الشنعة للقمح والبنة للملح.

139- وحدي وحدي والخلطة تعدي.

140- الضحك تبسام والكي ترشام.

141- الوجع في الراس و الكي في المساطة.

142- نترة من الحلوف ولا يمشي سلامات.

143- دير كيما دار جارك ولا بلع باب دارك.

144- موالفة ولا تالفة.

145- اولاد الكلبة قاع كلاب.

146- الحديث(الهدرة) والمغزل.

147- انا فالسوق و اما تعاود لخبار.

148- دفنت كراع ناض كراع . دفنت الراس خرجوا قاع.

149- اللي  اتكل على جارته بات بلا عشا.

150- حدد ما يغلبك حد.

151- المرتع فالحناية و العيش في زيدور(دوار).

152- اللي فات على كلمة فات على روح.

153- سال المجرب ولا تسال الطبيب.

154- جزار(خضار) ويتغدى (يتعشى) بورق اللفت.

155- فمه عوج وياكل السفنج قال الله وفلوسو.

156- ما يغويني عرس العبيد ولو كان يدبحوا فيه لفراد.

157- ساب الثريد للعبيد حتى ولاو ياكلوه بالمعالق(المغارف).

158- خسارة في العبد سنيه.

159- اللي ناضلك من بلاصة نوضله من زوج.

160- السور مبني والحس ما كان.

161- سرواله حلفة و يستخطة فالنار.

162- الله يجعل ربي يكتلنا على وجه واحد كي الحصيرة.

163- الطعام همة ولو كان بالما.

164- خيمة نسا(ء) و القربة يابسا.

165- لقرع يديرها و بوشنتوف تحصل فيه.

166- القلب لحمة و يحمى.

167- خلاته ممدود ومشات تعزي في محمود.

168- اهل الميت صابرين والمعزيين كافرين.

169- ما رقبوشن، غير عزاو اولاو(رجعوا).

170- انا راني ماشي ونتوما ديروا عرسي مورايا.

171- الحارمة في الفم تطيح.

172- مشى نهاري في نسيف ناري.

178- اعيينا احاي احاي وقلنا الله ينعل الي ما يسبق للغار.

179- وحدة ليا ووحدة للمحتمة علي.

180- يد وحدة ما تصفق.